{ SKIP }
文:MenClub 魏文青  
POSTED ON 29 Aug 2017
好多男人都有個心願要去泰國玩,但又好多男人都好驚去到陪你玩嗰都係男人、或者曾經係男人。你以為憑你多年黎「目及」女嘅經驗你一眼盲睇得穿佢係男係女係人係妖?我勸你就唔好咁有自信,因為泰國真係有啲靚過女人嘅變性人。好似呢位啱啱拎咗變性人選美賽事Miss Tiffany冠軍嘅Yoshi Rinrada就係啦!


Yoshi細個嘅時候因為同姐姐妹妹一齊玩,所以對洋娃娃好有興趣,青年時就同屋企人表示想做女仔,雖然家人大力反對,但17歲時就依然接受手術,得到女性嘅上半身,到長大後先接受另一個手術變埋嗰一半。之後更加憑佢堪比Angelababy(人哋話嘅)美貌成為泰國知名嘅模特兒及模特兒,所以今次去參賽基本上係大人蝦細路。據知Yoshi細個嗰陣個樣已經相當標緻,加上天生纖瘦修長嘅體形,可謂天生就係做女人嘅材料!


就咁睇相,Yoshi都可以話毫無破綻,由頭到腳活脫脫就係一個女仔,仲要係一個靚嘅女仔!難怪中國傳媒會將佢同做過《掃毒》,被譽為「最美變性人」嘅Poy相提並論。如果喺街、甚至喺床上遇到佢,你仲有冇信心認得出佢曾經係男仔?
รินรดา ธุระพันธ์ on Facebook
yoshirinrada on Instagram



可能因為《銀魂》真人版電影同劇集收視都非常好,所以再一次帶起《銀魂》熱潮,於是決定10月1日深夜再開《銀魂》動畫「ポロリ篇」!
gags
《銀魂》日常強勢回歸!10月1日深夜放送!
21 Sep 2017
有趣還有趣,但有幾多巴打真係接受到條女由頭綠到落腳趾尾丫?
gags
異色肌辣妹x和服 宣揚全新可愛定義
20 Sep 2017