正所謂「春宵一刻值千金」，對於有伴侶可以晚晚啪啪啪嘅人而言，簡直係賺到笑啦～不過對於一眾孤家寡人，想實現啪啪啪嘅夢想又唔想用錢買關係，咁就真係唯有靠發夢當曾經擁有啦……不過唔使愁！而家只需要2376日元（連稅），就有機會實現你部分夢想先，剩低嗰半，可能都係靠佢嚟助你發個靚春夢去實現咋！

單身男人有幾可可以接觸女性底褲先？嗱嗱嗱，禍不及家人，唔想搞著老母家姐細妹，咁不如搞搞由搞笑雜貨VILLAGE VANGUARD出品嘅純潔「底褲枕頭套」啦！淨係佢全白加上粉紅色邊邊同蝴蝶結，都Feel到陣好Pure好True嘅味道出晒嚟！最重要係咩呀？畀單身寡佬感受擁有女人底褲嘅感覺，仲可以唔影響任何人嘅情況下，晚晚瞓喺底褲上面，認真爽歪歪！瞓喺底褲上面喎，咁有幻想，實可以幫你發個好夢啦！（好似係）