不過近日之所以傳出佢哋嘅婚訊，係因為今年30歲嘅石原里美一邊宣傳新片《忍者之國》嘅同時成日有意無意喺訪問同Twitter上講埋啲語帶相關嘅說話。由於新戲中石原里美飾演人妻，所話提及過自己已經到咗演妻子嘅年紀，要演活呢個角色，自己嘅心境都要同步配合，仲提到如果現實生活中，可以每日為孩子準備便當，咁樣揣摩人妻角色都會更加容易。而日本記者就認為，如果單純為電影宣傳，呢個發言都算相當罕見；而且石原里美仲表示：「20幾歲時一直想全力為夢想努力；而30歲之後，想珍惜重要嘅人。想做嘅私人事有好多，但想做咩工作反而諗唔到。」睇得出佢似乎對演藝圈都冇咩留戀，反而有顆恨嫁的心。