【睇片】出發！22歲仔電單車環遊世界破紀錄為慈善籌款

文：MenClub Dio
POSTED ON 12 Apr 2018


22歲仔你做緊咩？讀緊大學？諗緊畢業旅行去東京食買玩定揹背囊去歐洲？或者其實好現實---搵緊工？記憶中，當年我電單車牌都未考，最遠好似去過澳門定番禺。而這位22歲英國仔，就決定駕車電單車環遊世界，為Movember Foundation籌款，兼希望在2019年5月10日完成旅程，打破駕駛電單車環遊世界的最年輕紀錄。

超過56000km旅程，6大洲35個國家，他在早一個星期左右已經出發。22歲的Henry Crew來自英格蘭南部，2013年考到電單車牌後差不多每天都駕駛。有這個念頭，因為有朋友自殺離世，自己亦曾被心理問題困擾，覺得人生應該做一些有意義的事，所以早於8個月前已經籌備這趟旅程。先找來Movember Foundation合作，他籌得的款項都會捐給慈善，尤其關注男性健康，包括前列腺癌及心理病患者，目標希望可以籌得超過50萬英鎊。

而英國Ducati聽到這件事後，亦主動聯絡Henry Crew，希望給他一部Scrambler Desert Sled以完成這次旅程，取車之後，Henry Crew只是加了行李箱、手擋及引擎護架，準備出發。

如果想支持他這次旅程，可以到他的網站捐款，自己做不到，也可以支持有心的年輕人。