{ SKIP }
文:MenClub John Chan  
POSTED ON 05 Sep 2017

Photos: Aspark Japan

德國法蘭克福車展(IAA)下週開幕,各大細車廠都已公布有乜新車發表。 

尋日最搶鏡嘅,一定係來自日本,包你實未聽過佢個名嘅車廠Aspark,佢哋將會喺IAA出Show,公布電動跑車Owl(貓頭鷹?)計劃。 

從Aspark公布或部份日本網媒影到嘅相分析,雖然已睇到Owl嘅摩打、有懸掛、轉向系統同電子控制組件Owl仲喺早期開發階段,試車地點亦唔似一啲有規模嘅汽車開發場所。據知Aspark現階段係借用同樣來自栃木縣嘅Ikeya Formula嘅工場開發新車。






雖然係咁講,Aspark已經高調話Owl可以喺2秒內由靜止加速至100km/h,聽住先啦,因為未有實物,你都可以喺facebook出個post話自己1秒內由靜止跑到100km/h、5分鐘食100碗拉麵、一晚「30次」都得。







Aspark呢間公司,成立於2005年成立,幾經股權變動後,由早期提供人事顧問及中介服務為主,擴展至醫療機械人、製藥、化學、機械電子、互聯網業務、程式、手機app開發,去年更進軍發展電動汽車。負責Owl開發嘅班底人數似乎唔多,曝光嘅只有3位,其中一位係55歲,曾經任職日產汽車嘅島崎正己。 

睇吓佢哋下星期喺IAA有乜公布先!到時再update大家。



法拉利用來取代California T的Portofino開篷超跑GT已經正式登陸中國市場,並於日前在南沙港舉行盛大登場儀式。
auto
法拉利Portofino正式登陸中國市場
23 Nov 2017
一個男人成功「荼毒」老婆嘅感人故事!
auto
得一知己死而無憾 沖繩飄移夫婦
23 Nov 2017